STJÖRNUBLIK
Stjörnur blika, heimur skín,
sköpun guðs úr djúpum lindum
endurspegla augun þín.
Í grænum skógi, fögrum myndum
birtist hjartans sálarsýn.
Mannsins börn þar blíðu finna,
feta í gullin sporin þín.
Engu að tapa, allt að vinna,
hvatning þín er vonin mín,
aðalsmerki verka þinna.
Að Sumarlandsins háu heiðum
ljóssins bæn frá öllum þeim
er studdir þú á lífsins leiðum
fylgja mun þér heilum heim
í verndarengils faðmi breiðum.
Björg
.
Björg Einarsdóttir.
Björg Einarsdóttir er löggiltur sjúkranuddari. Hún útskrifaðist frá Canadian College of Massage and Hydrotherapy í Canada sumarið 1992 og rak síðan eigin nuddstofu þar í 2 ár.
Hún stundaði líka nám á öðrum sviðum, tók m.a. Reikimeistarann hjá Lindu Lidke 1994, Multidimensional Intergrative healing hjá Sue Bansen 1992, Svæðanudd 1992 og Aromatherapy 1994.
Einnig var hún í þjálfun hjá ýmsum kennurum í hugleiðslu og andlegum málum. Hún var lengst 4 ár hjá Donnu Cheff, Pathway Services í Canada, frá 1990 til 1994.